Oo آنـــآ آلـــحزن oO

مشرف عدد المساهمات : 96 تاريخ التسجيل : 04/12/2010

أنا الحزن الذي غطى..على أوطان الحزن بأحزان
وأنا غيمة شقى تمطر..قصأيـد عشـق مقهـوره

وأنا البيت الذي طنبه..شعر وعمـاده الوجـدان
هجره الناس كل الناس..بعد مـا قطفـت زهـوره

وأنا اللي دنيتي مني..تملـل مـا لقـت عنـوان
مواويل الألم تعزف..على أوتـار الفـرح جـوره

وأنا اللي حطني حضي..على باب الألـم نيشـان
أعانـي طعنتـه واليوم..أنـا غرقـان فبـحـوره

أحس إني مثـل مركب..تـاه بداخـل الطوفـان
ومجاديف النجـاة اللي..تعيـن اليـوم مكسـوره

وأحس إني مثل طفل(ن)..يعاني لوعة الحرمـان
ويعيش بدنيةٍ كلها..همـوم .. أحـزان ممطـوره

وأحس إني كما طيرٍ .. يغرد في قفـص سجـان
يطرب من سمع صوته .. وهو في داخلـه ثـوره

وأحس إني كما الشمعه .. تحرق روحها بنيـران
لجل غيري يشوف الدرب .. بنوري لنطفى نـوره

وأحس إني كما ريشه .. تحركهـا يـد الفنـان
بياض الدنيا في عيونه .. سواد يلـون الصـوره

وأحس إني بهالدنيا .. وحيد أمشي بـلا خـلان
بعد ما كسر خاطرى .. من أحيا حسـي وشعـوره